Luís Suárez, mellor deportista do 2011
Fecha Domingo, 04 marzo a las 17:40:25
Tema PHP-Nuke
O alcalde cedeirense, Leopoldo Rubido, entregou onte a Luís Suárez
Vilela o galardón que lle acredita como o mellor deportista cedeirense
do 2011. Un recoñecemento que puña o broche de ouro á celebración da XI
Festa do Deporte, unha cita que a vila recuperaba este ano tras catro
sen celebrarse. Os veciños e veciñas de Cedeira abarrotaron o auditorio
municipal para recoñecer os méritos e triunfos dos seus mellores atletas
nun total de sete categorías.
 © 2012 - La Voz de Galicia
Pipo Arribe, membro do grupo «Corre Carmela que Chove» foi o encargado
de conducir a velada, á que acudiron deportistas de elite como os
deportivistas Juan Carlos Valerón e Juan Domínguez, Javier Castillejo,
campión do mundo de boxeo, e Manuel Planas, presidente da Federación
Galega de Boxeo, entre outros.
A entrega de premios
A Festa do Deporte arrincaba coa actuación do grupo de ximnasia rítmica
Acordes, de Narón, e continuaba cunha cata musical a cargo de
compoñentes do club Kárate Cedeira. Foi o preludio da entrega de
premios. Así, Xan Rodríguez Caridade e Clara Belas Novo eran recoñecidos
como os mellores deportistas de taekowondo; Javier Arribí López era
premiado na categoría de fútbol sala; Cristina Lois Prados, na de
bádminton; Paula Nebril Nebril e Luís Suárez Vilela na de natación; Juan
Martínez Rei (xogador do Racing) na de fútbol; o equipo sénior de remo
(José María Hermida Leonardo, Daniel Santalla Busto, Francisco Romeu
Loureiro e José María Fernández Rodríguez), en remo, e David Lafuente,
en deportes adaptados.
De entre todos eles, Luís Suárez Vilela, que durante o 2011 logrou oito
medallas de ouro no campionato galego absoluto de natación e dous de
bronce no estatal en 4x100 estilos e 4x50 estilos respectivamente, era
elixido o mellor deportista cedeirense.
Link: VONLine
|
|