Concello de Cedeira - POS
Fecha Miércoles, 30 noviembre a las 08:17:01 Tema PHP-Nuke
O goberno local de Cedeira sacou adiante onte en sesión plenaria o Plan
de Obras e Servizos para o próximo ano, cuxo importe para o municipio
elévase a ao redor de 240.000 euros. Do total, uns 100.000 euros
dedicaranse a gasto corrente mentres que o investimento absorbe os
140.000 euros restantes.
O proxecto deseñado polo executivo cedeirense inclúe con cargo ao POS a
pavimentación da calzada do paseo marítimo, como xa se adiantou desde o
consistorio. Ademais, prevese a mellora de tres pistas rurais.
A proposta saíu adiante cos votos do PP, mentres que o PSOE abstívose.
Desde esta formación criticouse que dentro do POS non se reserve ningún
financiamento para a creación do niño de empresas no municipio, unha
actuación que consideran prioritaria.
O grupo socialista criticou ademais que a falta de antelación coa que se
convocou o debate sobre o POS, así como que os últimos plenos
programáronse en horario laboral.
Na sesión plenaria aprobouse tamén, neste caso por unanimidade, o estudo
de detalle de dúas parcelas do parque empresarial da Trabe. Tamén saíu
adiante a depuración de dereitos e obrigacións correspondentes a
exercicios xa pechados.
Link: DFONLine
|
|