¿Quén arranca os carteis dos socialistas?
JOSÉ LUIS VERGARA REY
SECRETARIO XERAL
DA AGRUPACIÓN SOCIALISTA DE
CEDEIRA
Hoxe,
mércores, 16 de novembro do 2011, continúan os ataques contra os
socialistas de Cedeira. Os carteis de apoio a Rubalcaba foron eliminados
do panel central do Concello.
Un novo episodio de sectarismo contra o
diferente, contra o que se planta ante a inxusticia, busca un sitio na
pacífica realidade cedeiresa. Noutrora ensuciaron as capelas e
cemiterios para denostar a Vergara, nas pasadas municipais calumniaron o
mesmo día de reflexión ao candidato socialista e agora, queren eliminar
calquer vestixio que aspire a facerlles fronte.
As consignas que no pasado mandato electoral se fixeron contra os socialistas, do tipo de “Vergara ao paredón”
e outras lindezas contra das nosas familias non conseguiron estimular
en nós nin a máis das leves venganzas. Gustaríalles que nós
reaccionásemos da mesma maneira desesperada ou que nos amilanásemos ante
as súas provocacións.
Van dados. O socialismo non se pode borrar.
Todo o contrario, é a forza que empuxa á sociaedade a avanzar cara a
xusticia, a igualdade e a libertade. Catro adulóns e algún estómago
agradecido, por moito que ensucien os nosos carteis, por moito que
pinten nas paredes sagradas e por moito que arranquen os nosos carteis,
non conseguirán calarlle a boca ao socialismo cedeirés.
Queridos
amigos, queremos avanzar cara un mundo mellor, polo tanto non imos
incurrir nos seus erros, nas súas provocacións. Ante cada insulto
ofreceremos novos argumentos e ante cada provocación, enfrentaremos máis
traballo. Son recetas que nunca serán capaces de igualar.
© 2011 PSdeG-PSOE de Cedeira
Link: A.S. de Cedeira