Xuizo por suposto atentado a funcionario público
Fecha Martes, 25 octubre a las 13:00:00 Tema PHP-Nuke
A Fiscalía solicita para J.J.G.C., de 75 anos, a pena dun ano e seis
meses de prisión como presunto autor dun delito de atentado a
funcionario público. O xuízo está fixado para o próximo día 31 no
Xulgado do Penal 2 de Ferrol.
Os feitos aos que se refire esta causa que foi instruia polo Xulgado
mixto de Ortigueira ocorreron sobre as tres da tarde do día 21 de abril
de 2010 na confluencia do Paseo da Marina coa praza do Peixe, na vila de
Cedeira.
Segundo as conclusións provisionais do Ministerio Fiscal, o acusado
abordou ao secretario do Concello cando o funcionario saía do seu posto
de traballo e, tras preguntarlle polo estado da tramitación duns
expedientes e contestarlle este que non estaban no consistorio,
abalanzouse sobre el.
Supostamente, acto seguido agarrouno polo xersei e lanzoulle un lapote que chegou a rozarlle o nariz.
Ao mesmo tempo, e sempre segundo a acusación pública, J.J.G.C.
dirixíalle frases talles como: "Tes que dimitir" ou estás paralizando
os meus expedientes".
A continuación, o acusado arrebatoulle o paraugas que o secretario
municipal portaba nas mans e esgrimiuno contra el, para despois partilo
en dúas coa perna. Segundo o escrito de acusación, ao final díxolle: "vouche a acolloar".
A xuízo da Fiscalía, os feitos narrados son constitutivos dun delito de atentado a funcionario público.
Link: DFONLine
|
|