Accidente laboral
Fecha Viernes, 14 octubre a las 11:59:39
Tema PHP-Nuke
Un traballador da construción resultou ferido de consideración ao
esborrallarse o tellado que estaba reparando onte pola tarde en Cedeira.
O accidente tivo lugar nunha instalación de almacenaxe de automóbiles
coñecida entre os veciños como a nave de Conrado. Segundo indicaron
desde o servizo de urxencias do 112, ata o lugar desprazouse a Policía
Local, un equipo do corpo de voluntarios de Protección Civil de Cedeira e
unha ambulancia médica do 061.
O ferido responde ás iniciais J.G.L., é de mediana idade e reside en
Cedeira. Segundo indicaron fontes de Protección Civil, no momento do
accidente o home atopábase con outro compañeiro no proxecto de
reparación do tellado da nave. Ao parecer, segundo os primeiros
indicios, os efectivos de seguridade barallan a idea de que o home
sufrise un desmaio que provocou a súa caída. Ademais, segundo detallan
fontes consultadas, o traballador atopábase sen ningunha sujeción nin
equipo de seguridade.
O home atopábase traballando no tellado, a uns cinco metros de altura,
cando a cuberta veu abaixo. Testemuñas do suceso afirman que o operario
caeu sobre unha pila de cascallos con pedras e ladrillos. Finalmente, o
ferido foi trasladado grave ao hospital ferrolán Arquitecto Marcide.
Link: VONLine
|
|