Concello de Cedeira - PSOE
Fecha Jueves, 29 septiembre a las 08:54:02
Tema PHP-Nuke
O partido socialista de Cedeira acusa ao goberno local de querer
desvincularse da Axencia de protección da legalidade urbanística para
poder xestionar desde o propio Concello os procedementos urbanísticos
abertos. Segundo indicou o concelleiro socialista e anterior alcalde da
vila, José Luís Vergara, onte a corporación debía debater en pleno a
resolución do convenio que mantén o Concello coa axencia. Pero
finalmente, segundo Vergara, este punto foi omitido da orde do día.
«Dixémoslles que non sabiamos se é legal que votasen xa que o tenente
alcalde mantén aberto un expediente coa axencia por irregularidades
nunha propiedade», recordou Vergara.
Por outra banda, o edil quixo matizar o anuncio realizado polo Concello
sobre a súa intención de externalizar parte da oficina de Urbanismo. «Os
funcionarios están dando informes que quizá non van na dirección dos
intereses do grupo de goberno por iso a externalizan», asegura o
exalcalde que, ademais, apunta «se finalmente contratan a unha firma
afín para a oficina e retoman os expedientes que está investigando a
axencia, teñen mans libres para que os informes preceptivos dos técnicos
de Urbanismo fáganse seguindo os intereses de certo empresariado
cedeirense», lamentou Vergara.
Link: VONLine
|
|