Concello de Cedeira - Urbanismo
Fecha Sábado, 30 julio a las 19:08:18
Tema PHP-Nuke
O Consello Consultor de Galicia desestimou o expediente administrativo
proposto polo anterior grupo de goberno do Concello de Cedeira contra un
inmoble situado na rúa Convento, fronte ao auditorio municipal, acusado
de presentar irregularidades con respecto ao proxecto de construción. O
organismo considerou que o procedemento sancionador iniciado polo
Concello non era o adecuado e, segundo explica o anterior rexedor, José
Luís Vergara, a administración autonómica expón que debería haberse
iniciado un expediente de reposición da legalidade ou outro mecanismo de
sanción para estudar a situación do inmoble.
A pesar de que o procedemento non foi o acertado, Vergara afirma que o
consello ditaminou que a licenza foi outorgada de xeito irregular, polo
que volverán debater o tema no próximo pleno municipal.
Pola súa banda, desde o grupo de goberno, aseguran que o consello
desestimou completamente a sanción e o expediente será arquivado.
Link: VONLine
|
|