Concello de Cedeira - DOGA
Fecha Lunes, 06 junio a las 08:48:57
Tema PHP-Nuke
RESOLUCIÓN do 25 de abril de 2011, da
Dirección Xeral de Industria, Enerxía e Minas, pola que se somete a
información pública o proxecto de autorización administrativa e a súa
addenda I da rede de distribución de gas natural no termo municipal de
Cedeira (A Coruña), promovido pola empresa Gas Galicia SDG, S.A.
(Expediente IN627A 2008/9-0).
Con respecto á autorización para a distribución de gas natural canalizado no termo municipal de Cedeira (A Coruña), e ante as solicitudes presentadas en concorrencia por dúas empresas (Gas Galicia SDG, S.A. e Endesa Gas Distribución, S.A.U.), a Dirección Xeral de Industria, Enerxía e Minas resolveu, con data do 15 de novembro de 2010, o trámite de competencia a favor de Gas Galicia SDG, S.A., o que implica continuar coa tramitación do procedemento de autorización administrativa unicamente con esta empresa.
Polo tanto, e para os efectos previstos no artigo 73 da Lei 34/1998, do 7 de outubro, do sector de hidrocarburos, no artigo 78 do Real decreto 1434/2002, do 27 de decembro, polo que se regulan as actividades de transporte, distribución, comercialización, subministración e procedementos de autorización de instalacións de gas natural, e no artigo 1 do Decreto 62/2010, do 15 de abril, polo que se regula o trámite de competencia e os criterios de valoración no suposto de concorrencia de dúas ou máis solicitudes de autorización administrativa de instalacións de transporte secundario e distribución de gas natural e redes de distribución de gases licuados do petróleo (GLP), sométese a información pública o seguinte proxecto de autorización administrativa e a súa addenda I:
Peticionario: Gas Galicia SDG, S.A., con CIF A15383284 e con enderezo para os efectos de notificación na rúa Lisboa, s/n, Edificio Área Central, local 31-HIJ, 15707 - Santiago de Compostela (A Coruña).
Obxecto da petición: autorización administrativa da rede de distribución de gas natural no termo municipal de Cedeira (A Coruña), de conformidade co proxecto e coa súa addenda I presentados para o efecto.
Descrición das instalacións:
A subministración de gas natural proxéctase a través dunha planta de GNL (gas natural licuado) situada no Parque Empresarial Trabe, desde a que partirá a rede de distribución cara ao núcleo urbano de Cedeira e aos parques empresariais de Trabe e da Xunqueira.
A rede de distribución está formada por unha rede básica de distribución, con rango de presión 2
Esta rede deséñase en polietileno de alta densidade PE 100 SDR 17,6 de diámetro variable de DN200 a DN63, segundo necesidades. A lonxitude prevista para a rede é de 16.069,21 m, dos cales 5.422,73 m corresponden á rede básica e 10.646,48 á rede secundaria.
Termo municipal: a solicitude de autorización administrativa afecta o termo municipal de Cedeira, na provincia da Coruña.
Orzamento: oitocentos noventa e sete mil setecentos setenta e oito euros con oitenta e tres céntimos (897.778,83 euros).
O que se fai público para coñecemento xeral e para que todas aquelas persoas naturais ou xurídicas, que se consideren prexudicadas nos seus dereitos, poidan presentar as súas alegacións no prazo de 20 días a partir da data de publicación deste anuncio, podendo examinar o proxecto de autorización administrativa e a súa addenda I na Dirección Xeral de Industria, Enerxía e Minas, edificio administrativo San Caetano, 15781 Santiago de Compostela, así como no Departamento Territorial da Coruña da Consellería de Economía e Industria, edificio administrativo Monelos, Praza Luís Seoane, 1.º e 2.º andar, 15008 A Coruña.
Santiago de Compostela, 25 de abril de 2011.
Ángel Bernardo Tahoces
Director xeral de Industria, Enerxía e Minas
Link: DOGAONLine
|
|