Concello de Cedeira - Urbanismo
Fecha Sábado, 21 mayo a las 08:52:48 Tema PHP-Nuke
O arquitecto do edificio de Cedeira que o Tribunal Superior de Xustiza
de Galicia denunciou no xulgado de Ortigueira por posibles
irregularidades, Maximino Caruncho, asegura que o seu inmoble cumpre con
todos os parámetros esixidos dentro do Plan de Ordenación Municipal. «É
dous metros máis baixo que o auditorio municipal, que se atopa situado
enfronte», detalla Caruncho.
Foi un veciño da vila o que denunciou as posibles irregularidades ante o
Tribunal Superior e o pasado mes de abril, o fiscal presentou unha
denuncia no Xulgado de Instrución de Ortigueira.
Caruncho achaca a investigación a unhas normas urbanísticas que nunca
foron publicadas. «Se temos en conta o que rexe o PXOM, o noso inmoble
cumpre todo o que esixe, se nos rexemos por esas normas que nunca foron
publicadas e que moita xente non coñece, habería que derrubar o 95 por
cento das construcións cedeirenses», afirma.
Garaxe
Outro dos aspectos que se debaten son as sete portas de garaxe que
presenta o inmoble. Segundo explica o responsable, o primeiro proxecto
contemplaba un par de entradas, que finalmente foron modificadas para
conseguir unha praza de garaxe máis e no plan urbanístico non se
especifica nada respecto diso.
Link: VONLine
|
|