CONTRATO - Por Diego R. Piñón
Fecha Lunes, 16 mayo a las 08:36:48
Tema PHP-Nuke
Un artigo de opinión de Diego Rodriguez Piñón publicado no xornal "Diario de Ferrol ".
" A Asociación de nais e pais de Cedeira vendo a inexistencia de servizos
estivais de atención a menores con idades comprendidas entre os 3 e os
12 anos, decide no ano 2009, coa colaboración dos servizos sociais
municipais e a Asociación Artabria, poñer en marcha o campamento urbán
de verán “Campus creativo”. Propiciar unha alternativa socioeducativa
para o ocio e tempo libre de nenos e nenas, e á vez favorecer a
conciliación da vida laboral, familiar e
persoal dos seus proxenitores eran os seus obxectivos básicos. Nacía
ademais coa clara misión de acadar que o Concello de Cedeira asumira en
exclusiva có paso do tempo as súas competencias e responsabilidades na
organización e xestión dos campamentos urbáns de verán. Eses tempos
parecen chegados. O ente municipal informou por escrito ás familias o
pasado mes de abril dunha proposta propia dun novo campamento baixo o
lema “Tempo de nenos”. Como asinante único da citada información
figuraba o actual alcalde. Dende aquela os rumores sucedense na vila;
para uns é só parte dunha estratexia electoral, para outros non se fará,
uns terceiros dubidan do fondo, da forma e do momento de plantexalo,
hai tamén quen si cree no proxecto. Sexa como sexa e pase o que pase a
partir do próximo domingo,o sr. Vergara, nas filas do goberno ou nas da
oposición, terá un contrato moral coas familias do pobo. Debe ser o
máximo responsable o garante do cumprimento e desenvolvemento das
accións socioeducativas ofertadas e os convenios comprometidos. "
Diego R.Piñón
Link: DFONLine
|
|