Concello de Cedeira - Xunta de portavoces
Fecha Jueves, 12 mayo a las 08:58:52
Tema PHP-Nuke
Hoxe reúnese a xunta de portavoces do goberno de Cedeira para estudar
unhas presuntas irregularidades urbanísticas relacionadas cun
concelleiro popular. Segundo informan fontes locais, o político pediu
unha licenza de obra ao goberno local e comezou a executar a edificación
antes de recibir contestación da administración municipal.
A licenza solicita permiso para construír unha vivenda en chan
cualificado como rural non edificable. Trátase dunha zona por onde
transcorre un río, polo que Augas de Galicia tamén terá que aprobar a
obra.
A construción iniciouse fai xa un par de meses, período no que o goberno
local mandou precintar a parcela. Esta medida foi desacatada polo
concelleiro xa que, segundo fontes municipais, o afectado eliminou o
precinto e continuou coa construción.
A xunta de goberno estudará hoxe os feitos e decidirá se remiten o problema á fiscalía.
Outras construcións
En Cedeira están abertos dous procesos xudiciais por supostas
irregularidades en construcións. A fiscalía investiga a legalidade dun
inmoble situado fronte ao auditorio cedeirense e o Tribunal Superior de
Xustiza estuda unha sentenza que obriga ao Concello a outorgar unha
licenza a unha promotora para construír cen novas vivendas.
Link: VONLine
|
|