Conic Vascular na Trabe - Granxas
Fecha Martes, 26 abril a las 08:49:37
Tema PHP-Nuke
O proxecto que a empresa médica Conic Vascular prevé desenvolver en
Cedeira contempla para o próximo ano a creación dunha granxa na que
coidar aos seus propios animais para test médicos. Segundo explica o
presidente da entidade, Manuel Parente, trataríase dunha especie de
centro veterinario no que poder probar material, implantes e técnicas
médicas baixo o coidado e a atención de expertos. «Exportar material
médico para realizar as probas de calidade en animalarios do estranxeiro
é moito máis caro que validar os produtos aquí», explica Parente.
A construción desta granxa entraría dentro dunha segunda fase do
proxecto. «Estamos buscando financiamento para esta fase e aínda non
iniciamos a compra dos terreos onde estaría situado o animalario»,
detalla Parente.
A empresa contará tamén cun espazo para realizar probas biolóxicas de
calidade do material cirúrxico que fabrica a firma noutra nave e unha
sala de hemodinámica, é dicir, aulas onde poder ensinar aos profesionais
do medicamento o uso do novo material. Ademais, nun futuro, Parente non
descarta implantar en Cedeira tamén unha fábrica.
Outras naves
No polígono da Trabe, onde se situará a firma médica, xa comezou a
construción das naves onde se instalará unha firma que fabrica
altofalantes, Galician Audio Research, e unha empresa que desenvolve
aeroxeradores de eixo vertical. No parque empresarial tamén está
previsto que se instalen ao longo do próximo ano un criadeiro de algas,
unha planta de biomasa e un viveiro de empresas.
Link: VONLine
|
|