Concelllo de Cedeira - Innovación turística
Fecha Jueves, 07 abril a las 08:59:35
Tema PHP-Nuke
Os concellos de Cedeira, Cariño, Ortigueira, Mañón e Cerdido
propuxéronse innovar no sector turístico. E para iso, están dispostos en
recorrer ao "sistema de realidade aumentada" para pór ao alcance do
visitante, mediante o uso do móbil, a información do municipio que
suscitou o seu interese.
Esta proposta, que se prevé levar a cabo antes do próximo verán,
financiarase con cargo ás axudas europeas que, no caso da comarca do
Ortegal, encárgase de xestionar Costa Noroeste. En concreto, trátase dos
fondos Agader e o investimento estimado para levala a cabo está ao
redor dos 45.000 euros. As administracións antes citadas, en cuestión de
días, asinarán un convenio que as compromete a adiantar o diñeiro para
plasmar unha idea que, a día de hoxe, só está operativa nun reducido
número de poboacións a nivel de todo o Estado.
O sistema, que se activa mediante un código de barras que se inserirá
nunha especie de panel indicativo, trasladará á pantalla do móbil
aqueles datos, referencias ou cuestións que poidan ser de interese para
as persoas que o visiten. O servizo ten carácter gratuíto e simplifica a
información turística, de modo que calquera turista e sen necesidade de
guía poida coñecer os datos de interese daqueles lugares ou poboacións
que se atope no seu percorrido pola comarca de Ortegal. O asunto
abordouse onte no encontro que reuniu en Cariño aos alcaldes dos
municipios antes citados.
Link: DFONLine
|
|