A confraría de pescadores de Cedeira apoia o proxecto de Portos de
Galicia para a construción das novas instalacións deportivas na vila. «A
priori é unha boa actuación. Haberá que esperar a que a empresa que
reciba a concesión presente o seu proxecto, realice os informes técnicos
e o estudo de impacto ambiental. É pronto para cualificar a actuación»,
explican fontes da confraría. E é que desde o depósito aseguran que o
proxecto que lles anunciou fai un par de meses o presidente do
organismo, Álvarez Campana, non contemplaba afectar á praia de Arealonga.
© 2011 - La Voz de Galicia
Segundo o colectivo de pescadores, a actuación non vai incidir
negativamente na praia, de feito todo o contrario, o plan contempla a
recuperación do areal. «A empresa que leve a cabo o proxecto terá que
recuperar a praia e realizar un importante achegue de area, unha medida
que lle fai moita falta», explican representantes da confraría.
Desde o depósito aseguran que eles non apoiarían unha medida prexudicial
para un espazo ambiental. «Somos os primeiros preocupados por preservar
as praias e a ría, para iso creamos a reserva mariña», sentencia a
confraría e aseguran que «nunca apoiariamos un proxecto que supoña un
impacto ambiental contrario para a localidade».
As empresas interesadas no proxecto dispón ata o mes de maio para
presentar as súas ofertas ao concurso público. A entidade asumirá a
prolongación do dique en 225 metros, unha actuación que favorecerá a
construción de novos pantaláns e a creación de ao redor de 250 novas
prazas de amarre para as embarcacións náutico-recreativas.
Co reinicio dos trámites retómase un proceso comezado no ano 2005 que,
nun primeiro momento, contemplaba a creación de 400 prazas de amarre e o
aumento de 300 metros de espigón, unha medida que non foi ben recibida
entón.
Link: VONLine