Concello de Cedeira - Obras
Fecha Martes, 05 abril a las 08:59:04 Tema PHP-Nuke
O goberno de Cedeira contratou os servizos da empresa Jardincelas para a
construción dun parque infantil na praza denominada do Floreal, un
espazo urbano que se localiza entre as avenidas de Ortigueira e España.
O acordo pechouse pola cantidade de 30.000 euros e coa obra, tal e como
onte explicou o rexedor municipal, José Luís Vergara, trátase de
mellorar a imaxe que neste momento presenta a praza, para o que se
previu a instalación de novo mobiliario urbano e tarefas de
axardinamento. A intervención, que arrincará en cuestión de días,
executarase nun prazo que non excederá dos quince días, tal e como
apuntou o alcalde. Por outra banda, o Concello de Cedeira tamén pechou o
acordo coa empresa que levará a cabo a construción dun campo de fútbol
7 e dúas pistas de pádel nas inmediacións do campo de fútbol.
Neste caso, o proxecto contratouse por un importe global de 80.000 euros
e os proxectos terán que estar operativos antes da chegada do próximo
verán, segundo a condición exposta desde o consistorio. En ambos os
casos, o goberno municipal de Cedeira buscou a colaboración económica da
Deputación da Coruña para levar a cabo os citados proxectos.
Link: DFONLine
|
|