Ubicación do feirón na Vila
Fecha Martes, 05 abril a las 08:54:17 Tema PHP-Nuke
O Concello de Cedeira anunciou onte a decisión de trasladar o segundo
feirón da vila, o que se celebra o cuarto domingo de cada mes, á zona do
paseo marítimo no río Condomiñas. Con esta medida o goberno local prevé
aumentar a afluencia de xente e as vendas dos feirantes.
Esta iniciativa de celebrar o feirón na zona onde se organizaba
antigamente foi exposta por un grupo de 58 hostaleiros locais, que se
reuniron o pasado mes de marzo co alcalde da vila, Jose Luís Vergara
Rey.
Segundo o rexedor tivéronse en conta as peticións dos veciños, os
negocios locais e os postos dos feirantes. Estes días o Concello
barallou outras opcións como a de celebrar o feirón o sábado, unha idea
que non convencía aos comerciantes da vila, ou trasladalo a outros
barrios do municipio.
Comezará este mes
A medida entrará en funcionamento este mes coa celebración do feirón o
vindeiro domingo 24. Vergara xa adiantou no seu día que se o cambio non
resulta efectivo, sempre se poderá volver á situación anterior.
Link: VONLine
|
|