O Consello Consultivo de Galicia estuda un expediente remitido polo
Concello de Cedeira no que se revisa a licenza de primeira ocupación dun
inmoble local. O bloque de pisos atópase situada fronte ao auditorio e
foi denunciado por irregularidades con respecto ao proxecto de obra
inicial presentado no consistorio.
Segundo informa a actual corporación municipal, os feitos remóntanse á
semana previa á celebración das eleccións municipais de maio do 2007.
«Tan só dous días antes das eleccións, o anterior alcalde asinou a
licenza de primeira ocupación contraviniendo un informe do técnico de
urbanismo municipal», asegura o actual rexedor, Jose Luís Vergara Rey.
Segundo o informe do arquitecto técnico, non se correspondía a obra co
proxecto presentado pola construtora e no documento cualifícaa como unha
obra «non legalizable».
© 2011 - La Voz de Galicia
Segundo o Concello o inmoble presenta un grave exceso de volume. O
proxecto determinaba que o edificio tería catro pisos e unha baixo
cuberta, pero a realidade que se atoparon os técnicos da administración
ao avaliar a construción é que o inmoble esconde un piso máis. Cando o
Concello iniciou fai uns meses un expediente de revisión de licenza,
descubriuse que tras as escaleiras -que nun punto estaban tapiadas-
había máis vivendas das permitidas.
Ademais, no proxecto estaba contemplado un garaxe con dúas portas, unha
de entrada e outra de saída. Finalmente dispuxéronse sete portas, ás que
non se lles pode conceder a licenza de vao permanente.
O novo informe municipal, remitido ao Consello Consultivo, revoga a
licenza aprobada no 2007, que cualifica como «nula de dereito.
«Dependendo do que determine o Consello, iniciaremos ou non un
expediente para a reposición da legalidade, que consistirá
irremediablemente en eliminar o exceso de volume excedente», explica
Vergara.
Link: VONLine