A voltas coa Madalena
Fecha Miércoles, 30 marzo a las 10:05:06 Tema PHP-Nuke
Carlos Gil, conselleiro técnico da Demarcación de Costas en Galicia,
visitará mañá a praia cedeirense da Magdalena. Así o anunciou o alcalde
da localidade, José Luís Vergara, que mostrará aos técnicos do organismo
o estado do areal.
Esta praia presenta un forte desnivel, que nalgunhas zonas supera os
dous metros de altura, provocado pola incidencia do mar na zona. A forza
da ondada durante o temporal do pasado mes de febreiro empeorou o
estado do noiro que causou a tormenta Becky. Carlos Gil visitou en
novembro a vila para comprobar os danos e anunciou que redactarían un
plan de recuperación desta parte do litoral.
Esta praia vese afectada cada ano polos estragos dos temporais e desde o
goberno local queren buscar unha solución que protexa o areal a longo
prazo. Desde o Concello aseguran que cada ano Costas inviste preto de
300.000 euros en recuperar a praia local, unhas cifras «astronómicas»
que esixen buscar outra solución para que os incidentes ocorran con
menor frecuencia. Vecinos da vila suxiren construír un dique natural na
praia como unha defensa natural ante futuros temporais.
Link: VONLine
|
|