Esquerda Unida - Concello de Cedeira
Fecha Lunes, 21 marzo a las 07:40:10 Tema PHP-Nuke
Esquerda Unida considera necesario que se relance o feirón municipal no
casco antigo da vila, "de xeito semellante a como se fixo na súa
implantación vai para algo máis dunha década", apuntan desde a
formación.
Segundo expresan, o cambio de localización ao paseo marítimo e a
celebración de feira con carácter quincenal "non supuxo avance algún,
todo o contrario, a afluencia de público e veciños foi reducíndose ata
mínimos que poñen en dúbida a permanencia do feirón", aseguran.
Esquerda Unida asegura que en recentes encontros con vendedores
ambulantes constataron que as queixas pola escaseza de público e das
baixas vendas son unha realidade.
Ante todo isto, desde Esquerda Unida demandan un cambio na política
municipal no relativo a este asunto e reclaman o traslado da cita
comercial ao casco histórico, onde se celebraba antes.
Precisamente, o Concello estuda estes días, a proposta dos veciños,
primeiro, e dos comerciantes, despois, como apuntou o alcalde, a posible
recolocación do feirón.
Link: DFONLine
|
|