Gonzalo Doce atribúe a súa marcha de TEGA á "falta de
Fecha Domingo, 06 marzo a las 08:06:26
Tema PHP-Nuke
A decisión tomouse o pasado venres pero o levaba meditando un tempo. O
edil de Urbanismo e Turismo de Valdoviño, Gonzalo Doce, recoñeceu estar
sorprendido polo feito de que se coñecese xusto un día antes de que el
mesmo oficializase a súa postura "onte"a súa intención de abandonar as
filas de TEGA ao termo do mandato. "Era algo que tiña pensado comunicar
hoxe "por onte", porque me gusta deixar as portas abertas", asegurou.
Seguindo o ronsel iniciado en Valdoviño polo tamén edil de TEGA Antonio
Montero, Doce recoñeceu que "non comulgo con algunhas persoas que están
aí".
Gonzalo Doce apuntou que non comunicou á dirección do partido a súa
decisión "porque de momento estou aquí". Con respecto a informar da súa
postura ao secretario xeral de TEGA, Xermán Tobio, o edil valdoviñés
incidiu en que "con ese señor non vou falar para nada, teño unha
dirección do partido á que remitirei a miña baixa no seu momento".
A decisión está tomada e as razóns son varias. Ademais das diferenzas
xurdidas coa actual directiva "o secretario xeral do partido é
actualmente o edil de TEGA en Cedeira Xermán Tobío", Doce asegurou en
que a formación "carece de ideoloxía". "É un partido mudo, roto, sen a
liña que se marcou ao principio, e eu non me vía desde fai un tempo
entre as súas filas", explicou o edil. Este criticou ademais o traballo
que actualmente se realiza desde TEGA onde, asegurou, "non hai crítica,
nin protestas, nin mocións".
No que respecta ao municipio no que formou parte das listas de Terra
Galega nas pasadas eleccións municipais de 2007, Doce incidiu en que "gustaríame que se continuase traballando nunha mesma liña, unificando
criterios en temas como o Plan Xeral de Ordenación Municipal, co
consenso de todas as forzas políticas do concello". É por iso que tamén
anunciou que "se me vou do escenario político, gustaríame que a mesa de
seguimento do plan de urbanismo continuase traballando como o veu
facendo desde que se creou ata agora".
Sobre a súa continuidade na vida política local, o concelleiro de
Urbanismo indicou que terminará o presente mandato e, chegado o momento,
cando se convoquen eleccións, "definireime se é que nese momento teño
claro que quero continuar na vida política". O edil non descarta seguir
traballando activamente en política e xa anunciou que, no caso de
facelo, "será cunha forza política municipalista, onde os líderes teñas
as cousas máis claras e cuxo único interese sexa o concello e a defensa
dos intereses de todos os veciños".
Doce non aposta pola continuidade de Terra Galega como forza política en
Valdoviño, onde polo momento, tan só a alcaldesa, Isabel Álvarez, non
ha oficilizado a súa postura de face ás eleccións do 22-M. O concelleiro
de Urbanismo asegurou crer que TEGA non se presentará aos comicios de
maio, aínda que apuntou que algunhas fontes do partido confían en formar
unha candidatura. "Se cadra nos sorprenden", indicou.
Link: DFONLine
|
|