A Federación Galega de Enfermidades Raras e Crónicas (Fegerec) celebrou o
pasado domingo en Cedeira a única sesión informativa que se desenvolveu
na comarca con motivo do Día Mundial das Enfermidades Raras. A
vicepresidenta da entidade, a cedeirense Estrela Sixto, destacou a boa
disposición do alcalde de Cedeira, José Luís Vergara, os membros da
corporación e demais servizos municipais que colaboraron con ela en todo
momento para poder montar a "caseta" informativa.
© 2011 - Diario de Ferrol
Como se recordará, a
mesa instalouse á beira dos postos do mercadillo bimensual e na mesma
estiveron presentes, ademais de Estrella Sixto, responsables dos
colectivos sociais da vila, que se implicaron de cheo no proxecto. Así,
colaboraron con Fegerec a Asociación Sobre Rodas, a Sociedade Deportiva
de Cedeira, a Asociación de Amas de Casa e Vida Ascendente, ademais do
Colexio de Farmacéuticos de Galicia (Cofaga) que colgou folletos
informativos nas farmacias e entregou bolígrafos á asociación para a súa
posterior venda e colaborar así coa investigación das enfermidades
raras.
Estrella Sixto destacou a boa acollida dos cedeirenses a esta campaña informativa.
Link: DFONLine