Concello de Cedeira - PXOM
Fecha Sábado, 12 febrero a las 08:05:02
Tema PHP-Nuke
Os responsables de Urbanismo do Concello de Cedeira reuníronse nos
últimos días con membros da empresa que se encarga da redacción do Plan
Xeral de Ordenación Municipal. Durante o encontro, unha das moitas que
veñen organizando nos últimos tempos para definir os pormenores do
documento urbanístico, técnicos e políticos mostráronse un tanto
contrariados coa achaiadura de edificabilidade proposto inicialmente
polos redactores do documento.
Neste sentido, o rexedor municipal, José Luís Vergara, destacaba que se
ao PXOM presúmeselle unha vixencia inicial de 10 a 12 anos haberá que
elaborar o documento tendo en conta este prazo de tempo. Así mesmo, o
alcalde considera que a previsión de edificar unhas 2.500 vivendas, como
contempla o plan, suporía gañar neste prazo de tempo uns 10.000
habitantes, "unha cifra por encima do crecemento vexetativo que temos",
puntualizou o rexedor cedeirense.
Outra das consideracións que se deberá ter en conta á hora de redactar o
plan é a estación depuradora da vila, que ten capacidade para atender a
10.000 habitantes, case o dobre dos que ten o municipio na actualidade.
De cumprirse as expectativas de crecemento a EDAR non podería dar
servizo á totalidade dos veciños da vila. Estas previsións de crecemento
tan "halagüeñas", como calificou o alcalde, veñen marcadas en gran medida
por uns baremos de edificabilidade que se lles presume aos núcleos
rurais e que o rexedor non cre que se vaian a cumprir no caso de
Cedeira.
Outra das cuestións que preocupa ao equipo redactor do PXOM e aos
políticos municipais é o crecemento do polígono da Trabe, que deberá
reflectirse no Plan, e o futuro do parque empresarial da Frouxeira, onde
queren trasladar novos servizos.
Link: DFONLine
|
|