Cando están a piques de cumprirse os tres meses desde que o temporal "Becky" azoutase a costa galega, a normalidade aínda non se restableceu.
Polo menos no que se refire á praia cedeirense da Magdalena. Co paso
dos días a preocupación polo estado no que se atopa o areal aumenta.
Neste sentido, o alcalde da localidade, José Luís Vergara, considera que
xa pasou o tempo suficiente para que empecen a verse movementos por
parte de quen deben facerse cargo da mellora da maltreita praia.
Como se recordará, a Demarcación de Costas en Galicia ocúpase
regularmente da achega de áridos na Magdalena, un areal que sofre
regularmente as consecuencias do efecto das mareas e as correntes
mariñas propias do lugar. A chegada de fenómenos adversos como o "Klaus"
e posteriormente "Becky" provocaron graves danos na zona. A erosión da
primeira fronte emendouse cun transvase de áridos desde a zona próxima á
desembocadura do río Condomiñas. Xa por aquel entón desde Costas
apuntábase que a mellora só era un "lavado de face" provisional deixando
para máis adiante unha intervención máis profunda. Precisamente esta
mellora resulta agora máis necesaria que nunca, sobre todo tras o paso
do temporal "Beky" que volveu deixar o areal cun desnivel superior ao
metro e medio.
Costas comprometeuse tras o paso da fronte, en novembro pasado, a
acometer unha nova intervención "todos os anos someten ao areal a unha"
máis exhaustiva que require dun achegue de áridos moito maior ao de
anteriores ocasións e que inclúe un estudo sobre a influencia das mareas
no lugar e unha posible intervención para paliar estes efectos.
© 2011 - Diario de Ferrol
Os meses pasan e desde o Concello temen que os recortes orzamentarios
leven parte dos fondos necesarios para acometer esta intervención máis
completa. O alcalde, José Luís Vergara, manifesto o seu desexo de
entrevistarse co xefe da Demarcación de Costas en Galicia, Rafael Eimil,
para trasladarlle a súa preocupación polo estado en que se atopa o
areal da vila, moi frecuentado durante o verán.
Link: DFONLine