Concello de Cedeira - ANUNCIO DOGA
Fecha Jueves, 03 febrero a las 07:58:32
Tema PHP-Nuke
Anuncio de aprobación definitiva do estudo de detalle das parcelas 19-20 e 37-38 do parque empresarial da Trabe (Cedeira).
O Pleno da corporación, na sesión extraordinaria realizada con data do 18 de xaneiro de 2011, adoptou o seguinte acordo:
Aprobar definitivamente o estudo de detalle
presentado por Alejandro Díaz López, en representación de Galician Audio
Research Center, S.A., co obxecto de definir a ordenación de volumes
correspondentes á agrupación de parcelas 19-20 e 37-38 da zona Z3 do
parque empresarial da Trabe, redactado por Antonio Piñeiro Conchado,
visado polo Colexio Oficial de Arquitectos de Galicia con data do 25 de
outubro de 2010.
Este acordo supón o levantamento da suspensión de outorgamento de licenzas no ámbito regulado polo estudo de detalle.
O acto de aprobación definitiva do citado estudo
de detalle foille comunicado á Consellería de Medio Ambiente, Territorio
e Infraestruturas con data do 21 de xaneiro de 2011, en cumprimento do
disposto no artigo 92º.3 da Lei 9/2002, do 30 de decembro, de ordenación
urbanística e protección do medio rural de Galicia, dándolle traslado,
así mesmo, de dous exemplares do instrumento aprobado definitivamente
con todos os planos e os documentos que o integran debidamente
dilixenciados polo secretario do Concello.
Contra este acordo plenario, que pon fin á vía
administrativa, poderá interpoñerse de xeito previo e potestativamente
recurso de reposición no prazo dun mes contado desde o día seguinte ao
da publicación deste anuncio, ante o Pleno deste Concello de Cedeira, de
conformidade cos artigos 116º e 117º da Lei 30/1992, de réxime xurídico
das administracións públicas e do procedemento administrativo común, ou
directamente poderá interpoñerse recurso contencioso-administrativo
ante a Sala do Contencioso-Administrativo do Tribunal Superior de
Xustiza de Galicia, de conformidade cos artigos 8º, 9º e 10º da Lei
29/1998, reguladora da xurisdición contencioso-administrativa, no prazo
de dous meses contado desde o día seguinte ao da publicación deste
anuncio, de conformidade co artigo 46º da Lei da xurisdición
contencioso-administrativa.
Cedeira, 21 de xaneiro de 2011.
José Luis Vergara Rey
Alcalde
Link: DOGAONLine
|
|