O deputado do PSOE, Xavier Carro, participou onte en Cedeira nunha
reunión con políticos locais na que estiveron presentes, entre outros, o
alcalde da vila, José Luís Vergara, o exdelegado da Cptopv, Alberto
González e o portavoz de Infraestruturas do PSOE no Parlamento, Pablo
López Vidal. Tamén asistiron ao acto responsables das formacións locais
de Narón e Valdoviño. A elección do punto de encontro, na zona próxima
á ponte do Puntal e en plena AC-566, non foi a treo, como explicou o
propio José Luís Vergara. "Esta estrada rexistra unha media de 75
accidentes ao ano, motivo polo cal necesitamos pór en marcha xa unha
estratexia parlamentaria a través da cal logremos o apoio do grupo
maioritario na Cámara, para que tomen cartas no asunto", dixo. Desde o
PSOE confían en que, a pesar da crise, a Xunta poña en marcha un plan de
actuación, a aplicar no horizonte do 2013, similar ao realizado no seu
día polo bipartito para mellorar esta vía entre Cedeira e Ferrol.
© 2011 - Diario de Ferrol
Link: DFONLine