Redución do impacto das riadas nos tramos fluviais
Fecha Martes, 11 enero a las 07:59:08
Tema PHP-Nuke
A redución do impacto das riadas nos tramos fluviais que xa foron
urbanizados require, na maioría dos casos, obras complexas e custosas,
pero os danos que provocan as inundacións poden limitarse paralizando os
desenvolvementos urbanísticos nas ribeiras dos ríos identificadas como
zonas de risco. Augas de Galicia ten sinalados nun estudo deses puntos
perigosos 180 quilómetros de ribeiras en 39 concellos, nos que a Xunta
non permitirá un ladrillo máis.
Nunha primeira fase, o organismo autónomo determinou as áreas con risco
potencial significativo de inundación. Trátase de analizar o perigo de
desbordamento no ámbito dos ríos de Galicia-Costa, a conca de
competencia autonómica, para identificar os tramos fluviais a estudar
con máis detalle. A segunda fase, previa ao desenvolvemento de plans de
xestión, consiste en elaborar os mapas de risco de inundación. A partir
dos datos históricos e a análise da vulnerabilidade e perigo, o ente
delimitou 40 tramos que suman eses 180 quilómetros de ríos que bañan 39
concellos: Oia, Baiona, Gondomar, Redondela, Moaña, Cangas, Marín, Poio,
Caldas, Portas, Vilanova, Ribadumia, Vilagarcía, Valla, A Estrada, Teo,
Padrón, Rianxo, Noia, Val do Dubra, Outes, Muros, Vimianzo, Zas,
Carballo, Coristanco, Ponteceso, Cabana, A Baña, Arteixo, Betanzos,
Pontedeume, Neda, Narón, Moeche, San Sadurniño, Cedeira, Viveiro e
Mondoñedo.
As restricións construtivas neses puntos entrarán en vigor co novo Plan
Hidrolóxico, previsto para este ano. Ata entón, mandan as achaiaduras de
cada municipio.
23 quilómetros no Umia
A incidencia das restricións urbanísticas asociadas ao risco de riadas
será maior na ribeira do Umia. O estudo de Augas de Galicia considera
perigosos varios tramos que suman 23 quilómetros na zona final do río,
desde o núcleo urbano de Caldas e pasando polos concellos de Portas,
Vilanova e Ribadumia. Outras ribeiras con máis quilómetros de zonas de
risco son as do Anllóns (13,42 quilómetros desde a zona anterior a
Carballo, a súa centro urbano e a zona da desembocadura do río) e do Río
Grande de Xubia (15 quilómetros que abarcan os municipios de Moeche,
San Sadurniño e Narón).
Link: VONLIne
|
|