Ao redor das 14.26 horas unha condutora perdeu o control do seu vehículo
cando transitaba polo punto quilométrico 23 da estrada AC-566, que une
os municipios de Valdoviño e Cedeira. En concreto, o sinistro, no que o
turismo quedou envorcado fóra da calzada, produciuse á entrada da vila
mariñeira, nas coñecidas como curvas de Landeira.
© 2010 - La Voz de Galicia
Ata o lugar desprazáronse efectivos do servizo de urxencias sanitarias
061, unha patrulla da Garda Civil de Tráfico e unha do Corpo Municipal
de Bombeiros de Ferrol. Porque, en principio, todo indicaba que ían ser
necesarias tarefas de excarceración para liberar á condutora do
vehículo. Con todo, cando os bombeiros chegaron ao momento onde se
produciu o sinistro, esta xa estaba sendo asistida polos efectivos
sanitarios. Finalmente foi trasladada ao Arquitecto Marcide, aínda que o
seu prognóstico non era grave.
Desde Cedeira e Valdoviño xa reclamaron a remodelación do trazado desta estrada, un dos puntos negros da comarca.
Link: VONLine