Senda peonil
Fecha Jueves, 16 diciembre a las 08:04:59
Tema PHP-Nuke
O alcalde de Cedeira, José Luís Vergara, entrevistouse nos últimos días
co responsable de Obras de Deputación da Coruña, Bernardino Rama, para
coñecer en que situación se atópan varios proxectos comprometidos co
municipio. Un deles é a construción da variante das Pontigas, unha obra
que se atrasou no tempo debido a que xurdiron unha serie de problemas
debido a que o proxecto afectaría a un pazo catalogado por Patrimonio.
Segundo o alcalde, o proceso retomarase no principio do ano cando se
espera que arrinque o proceso expropiatorio para acometer as obras.
A intervención na DP-2204 consiste en modificar o trazado e aliviar así a
presión do tráfico que rexistra este viario ao seu paso polo lugar de
Pontigas, unha zona moi transitada e que rexistra numerosos accidentes. A
calzada ampliarase ata os sete metros, cunha beiravía dun metro,
ademais revestiranse de formigón as cunetas e colocaranse novas tubaxes
de pluviais. A obra orzouse no seu día en 800.000 euros.
Outro dos proxectos que a Deputación comprometeuse a executar nos
próximos meses na vila cedeirense é unha senda peonil. Neste caso o
alcalde recordou que tempo atrás a administración provincial aceptou
financiar a construción dunha a San Antonio, pero que as dificultades do
Concello para pór a disposición da Deputación os terreos necesarios
obrigaron ao goberno local a modificar o proxecto. Así, pois, as
pretensións do Concello cedeirense pasarían por construír unha nova
senda que iría desde a zona vella da vila ata a zona das Pontigas. Esta
intervención, segundo explicou o alcalde, sería moi beneficiosa para o
municipio, xa que se uniría ao proxecto da variante. "Trataríase dunha
obra redonda que ofrecería a todos os cedeirenses a posibilidade de ir a
pé ata este lugar, percorrendo unha distancia duns tres quilómetros",
apuntou Vergara.
Link: DFONLIne
|
|