AC-566 PERIGO !!!!
Fecha Jueves, 16 diciembre a las 08:00:50
Tema PHP-Nuke
O alcalde de Cedeira, Jose Luís Vergara Rey, non quere descargar tan
rápido os cartuchos cos que conta o municipio para protestar polo estado
da estrada, polo que o Concello decidiu atrasar a data para organizar a
marcha a pé ata Ferrol. «Vai ser unha loita a longo prazo, e intentamos
que a xente non se canse nin se desanime, así que de momento seguiremos
repartindo panfletos informativos. Non queremos que sexa unha loita
explosiva duns días e se desínfle rapidamente», asegura Vergara Rey.
O Concello iniciou unha campaña de recollida de firmas coa que
involucrar aos veciños. «Estamos redactando os documentos de adhesión, e
nuns días empezaremos coa recollida de firmas», explica o rexedor. Será
el mesmo un dos encargados de ir casa por casa buscando apoio e
explicando aos veciños da localidade que rexenta cales son os plans de
futuro. «Entregaremos as firmas no parlamento de Galicia para pedirlle á
Xunta que, se non nos escoita a nós, polo menos escoiten aos veciños de
Cedeira», adianta o primeiro edil.
Catro grandes melloras
As protestas en Cedeira polo estado da AC-566, a única estrada que dá
acceso á vila sen ter que dar un rodeo por Ortigueira, é algo que vén de
longo. Trátase dunha estrada de case setenta curvas e que en apenas un
ano quitou a vida a tres persoas.
As demandas do goberno local pasan por catro grandes intervencións que
mellorarían a seguridade do viario. Primeiro, mellorar o traxecto que
une a zona de Freixeiro coa glorieta de Carballos. Despois, construír
unha variante que circunvale Valdoviño para desconxestionar o centro da
localidade. Suavizar as curvas e introducir carriis de tráfico lento no
viario ata a zona de baixo Esteiro, e construír unha variante ata o
parque empresarial para que os camións non teñan que transitar polo
centro urbano, culminarían as peticións. «Somos conscientes de que é un
momento de crise económica e estas intervencións supón un gran
investimento, só queremos que se dean os pasos para asegurar que levará a
cabo a actuación», conclúe.
Link: VONLine
|
|