AC-566 PERIGO !!!!
Fecha Lunes, 13 diciembre a las 09:08:42
Tema PHP-Nuke
O equipo de goberno de Cedeira, co seu alcalde, o socialista José Luís
Vergara á cabeza, distribuíu onte no feirón da vila 1.200 dípticos
reivindicando a mellora da estrada AC-566, principal vía de comunicación
do municipio. Segundo o mandatario local, os veciños móstranse
plenamente identificados co que se pide no manifesto e expón ao Concello
a conveniencia de dar un paso máis, polo que se está estudando a
posibilidade de iniciar unha recollida masiva de firmas.
O díptico está ilustrado cunha fotografía na que se pode apreciar unha
das numerosas curvas da estrada Ferrol-Cedeira, cun sinal de perigo
superpuesta. En canto ao contido, incídese en que a principal vía de
comunicación da vila preséntase cada día "menos capaz e máis perigosa", e
explícanse todos os pasos dados polo Concello para esixir a súa urxente
mellora.
Así, recórdase que o alcalde conseguiu o 31 de outubro de 2007 o
compromiso da entón conselleira María José Caride de abordar a mellora
das comunicacións de Cedeira. Froito deste acordo, en 2008 elaborouse un
informe no que se definían catro tramos do trazado, cos seus
correspondentes orzamentos. Tratábase da mellora no trazado e as
prestacións entre Freixeiro e a rotonda de Valdoviño, a variante de
Valdoviño, a mellora do tramo entre a primeira canteira e a zona baixa
de Esteiro, e a variante de Cedeira, para enlazar co parque empresarial A
Trabe.
Os proxectos técnicos dos tramos Freixeiro-Valdoviño e Valdoviño-Esteiro
foron sacados a concurso pola conselleira Caride, pero, segundo o
goberno cedeirense, "a Xunta de Feijóo só orzamentou para 2010 ou tramo
que vai entre Narón e Valdoviño, e para iso de forma incompleta".
Engaden que, aínda así, son incapaces de executar o orzamento, como se
pode comprobar facilmente.
Recórdase, así mesmo, que o pleno de Cedeira aprobou a finais de 2009,
coa abstención do PP, solicitar a incorporación do tramo
Valdoviño-Cedeira nos orzamentos de 2010. En setembro deste ano, nesta
ocasión por unanimidade, adoptouse o acordo de convocar a todos os
sectores dos concellos afectados para que a Xunta inclúa a mellora da
AC-566 nos orzamentos de 2011.
Link: DFONLine
|
|