INVISIBLES - Por Diego Rodriguez Piñón
Fecha Lunes, 29 noviembre a las 11:41:22
Tema PHP-Nuke
Un artigo de Diego R. Piñón publicado no Diario de Ferrol.
"Á Fundación galega para o impulso da autonomía persoal e atención a
persoas con dependencia (Funga) correspóndelle a protección xurídica e
social das persoas maiores de idade incapacitadas legalmente e en
situación de desamparo. A cifra dos seus pupilos pasou das escasas 68
persoas no ano 1997 ás 1.551 na actualidade. Este considerable
incremento débese ó envellecemento da poboación, ó aumento do número de
persoas diagnosticadas de trastornos
mentais, así como ó desarraigo familiar existente na sociedade en
relación con eses sectores. Aínda que a modificación estatutaria do ano
2006 incluía cambios na propia denominación, ampliación de fins, e na
estructura dos órganos de goberno e directivos, a súa acción social cos
tutelados non experimentaba cambios significativos.Agora o actual volume
de usuarios e a súa tendencia ascendente obriga á renovada Funga a
implementar un plan de acción para tentar facer efectivo e real o
desenvolvemento dos seus fins tutelares. O reforzo do persoal da área de
tutela, o incremento das visitas e millora da atención ás persoas
tuteladas, a promoción dun funcionamento máis eficaz e áxil, e a
organización de xornadas informativas, son algunhas das propostas da
dirección técnica da Fundación. A maquinaria empeza a moverse pola
difusión, pois este mércores, na Casa do Mar da Coruña, celebraranse as
primeiras xornadas informativas de ámbito provincial. O Padroado da
Funga ten a última palabra para que o resto das propostas tamén se
cumpla."
Link: 2010 - Diario de Ferrol - Diego R. Piñón
|
|