O enxeñeiro de Costas Carlos Gil ten previsto reunirse esta mañá co
alcalde de Cedeira, Jose Luís Vergara Rey, para visitar a praia da
Magdalena e comprobar o estado e os danos sufridos pola tormenta Becky. O
Concello xa se puxo en contacto con Demarcación de Costas para
informarlles sobre a situación. «Estamos preparando un plan de
recuperación da praia para abril, esperando a que pasen os meses dos
temporais, sería unha tolemia investir agora», explica o primeiro edil
de Cedeira.
© 2010 - La Voz de Galicia
Esta zona do litoral vese afectada cada ano polos estragos dos
temporais, e desde o Concello queren buscar unha medida que protexa a
longo prazo. O alcalde afirma que cada ano Costas inviste preto de
300.000 euros en recuperar o areal, o que esixe atopar outra solución
para que os incidentes ocorran con menor frecuencia.
Aproveitando a visita de Gil, o alcalde presentará un proxecto, suxerido
por uns veciños, que contempla a construción dun dique natural na praia
da Magdalena como unha defensa propia do areal.
Link: VONLine