A CIG chama a participar na manifestación
Fecha Viernes, 22 octubre a las 17:33:15 Tema PHP-Nuke
A CIG anima a todos os galegos e galegas a participar na manifestación
do vindeiro domingo 24 de outubro, en Ferrol, en contra do Decreto do
Carbón e polo dereito a producir e a traballar na nosa terra. A marcha
sairá ás 12:00 horas dende a Praza de España e rematará cunha
concentración na Praza de Armas, onde se procederá a lectura dun
manifesto. Dende a central nacionalista agárdase que este convocatoria
se converta nunha gran demostración do rexeitamento social ao Real
Decreto que faga mudar da súa posición ao goberno español.
© 2010 - CIG A marcha, convocada pola Plataforma contra o Decreto do Carbón,
desenvolverase baixo o lema “Polo dereito a producir. Polo dereito a
traballar na nosa terra” dentro do marco de mobilizacións que dende o
colectivo e a CIG se veñen desenvolvendo en contra da normativa imposta
polo goberno español e que creará un grave prexuízo laboral e económico
para Galiza. Por iso, a central nacionalista fai un chamamento a
participar na marcha a toda a cidadanía, mais especialmente aos
Concellos, traballadores/as, veciños/as e colectivos afectados
directamente polo Decreto, de cara a converter esta manifestación nunha
gran protesta contra este veto político que se nos quere impor.
Link: CIGONLine - M.F.C.
|
|