Concello de Cedeira - Taxa do lixo
Fecha Viernes, 15 octubre a las 12:08:25 Tema PHP-Nuke
O alcalde presidente da corporación de Cedeira rexeita as acusacións do
PP sobre a taxa do lixo. Vergara, aínda que recoñece que o censo
utilizado para a recadación do imposto dá lugar a certos erros, explica
que o Concello estuda unha a unha as alegacións presentadas polos
veciños e alega, ademais, que a administración apraza o pago
correspondente ata a resolución das mesmas. Por outra banda, cuestiona o
dereito do PP a criticar o procedemento na aplicación dunha taxa que se
pasa ao cobro desde o ano 2008 pola privatización dun servizo que se
formalizou durante o último mandato dos "populares" á fronte da
corporación municipal. Sobre esta cuestión, o alcalde recorda que o
contrato ten unha vixencia de 15 anos e que asumir este compromiso
suponlle ás arcas municipais un desembolso anual de 600.000 euros. Esta
situación levou aos actuais responsables municipais a valorar a
posibilidade de rescatar o contrato.
Link: DFONLine
|
|