Quintana deixa o liderado do BNG
Fecha Sábado, 14 marzo a las 13:37:37 Tema PHP-Nuke
O até o de agora voceiro nacional do BNG, Anxo Quintana, abriu este
sábado o Consello Nacional da formación anunciando que nas vindeiras
semanas vai abandonar o cargo de voceiro nacional. Nun discurso de
pouco máis de quince minutos, Quintana revelou que a Executiva Nacional
dimite en pleno, aínda que queda en funcións para evitar un baldío até
que se celebre a Asemblea Nacional extraordinaria. O Consello Nacional
ten que elixir agora unha xestora que será a encargada de preparar a
asemblea.
O de Allariz propuxo unha asemblea por delegados aínda que pediu que
fose “o máis ampla posíbel”. Para iso, avogou para que, como mínimo,
participen 2.500 militantes. Quintana sinalou que a primeira fin de
semana de maio podería ser a data idónea para o debate nacional.
Logo
de deixar claro que non vai optar outra vez á portavocía nacional,
Quintana pediu perdón polos posíbeis erros cometidos e convidou á
militancia a manter a unidade da organización. Posteriormente, xa a
porta pechada, comezou o debate no Consello Nacional.
Link: VIONline
|
|