ANA KIRO - por Xosé Antón Suárez
Fecha Lunes, 11 octubre a las 18:05:27
Tema PHP-Nuke
Hai poucos días deixounos a cantante Ana Kiro, Mª Dolores Casanova González.
Cecais
poucos saiban que Ana Kiro, estivo vencellada a Cedeira durante uns
anos da súa nenez-adolescencia, pois era filla dun gardacivil que
estivera aquí destinado. Ana (Lolita), foi á escola de Piñeiro e xa
daquela despuntaba no eido da música, gustaba de cantar e actuar . Tiña
moitos amigos e amigas, Filucho presumía de ser o seu mozo. Boeno, o
caso é que poucos días despois de morrer alguén me comentou que Ana Kiro
nunca se acordara de Cedeira despois de chegarlle a fama (compartiu
escenarios con José Guardiola, Manolo Escobar, Salomé, Julio Iglesias,
Juan Pardo, etc, foi unha verdadeira show-woman). Teño que dicir ó
respecto que tal negación non é certa. No ano 1987 gravou unha casete e
un dos títulos recollidos é VILA DE CEDEIRA, dous anos máis tarde gravou
outro no cal se inclúe o título SAN ANDRÉS DE TEIXIDO, ámbolas dúas
composicións son pasodobres, o primeiro da autoría de Manolo Pardo Gómez
e letra de Ana, e o segundo baseado en coplas polulares de San Andrés
con música de José Luís Blanco e José R. Sierra.
Así que para xeral información, sí, Ana Kiro, lembrou a Cedeira no seu corazón como canta no retrouso da primeira peza:
Vila de Cedeira,
tan garimosa,
Virxe Mariñeira,
branca e fermosa.
Vila feiticeira,
do meu querer,
Vila de Cedeira, (bis)
non te hei de esquecer.
Link: Xosé Antón Suárez
|
|