PP Cedeira : denuncia
Fecha Viernes, 08 octubre a las 13:07:44 Tema PHP-Nuke
O PP de Cedeira denunciou onte, a través dun comunicado, o cobro
irregular da taxa de lixo no municipio. Consideran que a redacción da
ordenanza xa foi «desacertada» e que a confección do censo de
contribuíntes e a execución e o cobro das taxas «están resultando unha
chapuza de notoria dimensión» que, argumentan os populares, «deriva en
graves prexuízos e molestias para os veciños».
Cando o obxecto da taxa debería ser a titularidade do inmoble ou do
local mercantil, na práctica, denuncian desde o PP de Cedeira, estanse
tramitando «incontables recibos ilegais» que, no caso das leiras
urbanas, gravan a prazas de garaxe ou trasteiros, e locais inertes que
carecen de actividade algunha. E na zona rural, proseguen os populares,
estanse remitindo facturas a galpóns, hórreos e galiñeiros.
«Isto supón -sinalan- unha multiplicación de recibos erróneos» e piden
unha revisión de oficio de todos os cargos realizados para eludir unha
posible demanda veciñal.
Link: VONLine
|
|