O Concello de Cedeira financiou cunha axuda da Deputación e un 30 % de
achega propia a rehabilitación do antigo escolar de Piñeiro, unha
construción indiana que pasará a ser o centro neurálxico da música
local.
A reforma requiriu case 39.000 euros e as obras consistiron na
insonorización dalgunhas salas e na construción de aseos, ademais
doutras intervencións de menor calado. A entrada en servizo do antigo
escolar como centro musical dará lugar ao recoñecemento público dos
emigrantes que no seu día fixeron posible a construción da escola
colocando unha placa na zona máis visible do edificio, pero, sobre todo,
á unificación en gran parte das agrupacións musicais existentes no
muncipio nun mesmo emprazamento. Deste xeito, o Concello de Cedeira
favorece a cultura musical, á vez que crea a infraestrutura adecuada
para difundila.
© 2010 - Diario de Ferrol
Neste sentido, cabe destacar que a día de hoxe máis de 200 persoas,
entre menores e adultos, están vinculados ás seccións instrumentais das
formacións musicais existentes no municipio. Son, precisamente, os
integrantes das mesmas os que, a partir de agora, acudirán regularmente á
escola de Piñeiro para formarse en música de adordeón e gaita, entre
outras opcións.
Desde a Alcaldía de Cedeira adiántase que é intención do grupo de
goberno seguir investindo na propiedade, de modo que a próxima partida
destinarase á sustición ou reparación de fiestras.
Link: DFONLine