O pleno reunirase o día 31
Fecha Martes, 24 agosto a las 08:13:19
Tema PHP-Nuke
O próximo 31 de agosto celebrarase en Cedeira un pleno extraordinario
cun único punto, o de solicitar ao Goberno autonómico que realice
melloras na AC-566, a sinuosa estrada que une Ferrol coa vila mariñeira.
A convocatoria chega despois de que a pasada semana falecese nun
accidente de tráfico ocorrido no viario unha moza de 19 anos de idade,
converténdose así na terceira vítima mortal nesta estrada no que vai de
ano.
O alcalde, José Luis Vergara, asegura que en caso de non recibir unha
resposta positiva por parte da Xunta, o equipo de goberno barallará a
posibilidade de convocar mobilizacións. O rexedor confía en que, neste
asunto, todos os grupos políticos «camiñaremos na mesma dirección e a
proposta será aprobada por unanimidade». Ademais, o primeiro edil
cualifica as melloras nesta estrada como «unha auténtica prioridade»
para evitar máis mortes.
Link: VONLine
|
|