Blanco garante a construción da A-8
Fecha Jueves, 19 agosto a las 17:37:24
Tema PHP-Nuke
O ministro de Fomento, José Blanco,
garantiu onte a construción da Autovía do Cantábrico malia a
reprogramación. O titular de Fomento, que admitiu que en diversas
comparecencias cualificara o axuste inicial de 6.400 millóns en dous
anos como “severo pero imprescindible”, non quixo especificar a que
obras se destinarán os recursos adicionais. Porén, adiantou que se
destinarán a actuacións “prioritarias” e “en avanzado estado de
execución”, como exemplificou no caso da autovía do Cantábrico, que
cualificou como unha “actuación prioritaria”.
Así, a Transcantábrica será unha das 50 obras que contará con fondos
para a súa conclusión. Na súa opinión, trátase dunha das autovías “máis
vertebradoras” do Norte de España na que “se cumprirá co grao de
execución inicialmente previsto”, ao igual que outras obras que se
efectuarán “en todas as comunidades autónomas”, precisou. Ademais,
Blanco indicou que a A-8, que “afecta a Lugo, Asturias e Santander” é
unha infraestrutura que “facilita a mobilidade e cohesiona o territorio,
comunicando todo o Norte de España con Europa”. Así mesmo, reiterou que
nesta actuación “se cumprirá o grao de execución previsto
inicialmente”.
“Nada vai ser como foi ata agora”, admitiu o titular de Fomento tras
lembrar que o nivel de investimentos alcanzado nos últimos anos situou a
España “á vangarda de Europa” en materia de infraestruturas. Neste
sentido, Blanco aludiu á liña ferroviaria do tren de alta velocidade,
“unha das máis desenroladas do mundo”, dixo, e “á nova terminal do
aeroporto de Santiago, que inauguraremos o ano que vén”, como dous
exemplos desa situación.
PORTO EXTERIOR DA CORUÑA
Por outra banda, José Blanco
asegurou que “axiña” se inaugurarán os portos exteriores de Xixón e A
Coruña. “Non necesitamos realizar inversións porque xa o fixemos”,
sinalou con respecto ao seu financiamento. Neste sentido, Blanco lembrou
que, na súa última comparecencia no Congreso, formulou a creación dunha
subcomisión que permita estudar a forma “máis adecuada” para financiar
as infraestruturas, xa que “cada día se gastan uns seis millóns de
euros” na conservación das mesmas, salientou o titular de Fomento. Por
outra banda, en respostas aos xornalistas, José Blanco asegurou que o Ministerio de Fomento alcanzou “nalgúns ámbitos” a totalidade do presupostado para o presente ano.
Link: XORONLine
|
|