Como todos os anos dende 1975, a UPG
–Unión do Pobo Galego, forza hexemónica dentro do Bloque– homenaxea hoxe
en Ferrol ao seu militante Moncho Reboiras, asasinado pola policía
franquista tal día como este hai 35 anos. Dende o ano pasado, Reboiras é
considerado oficialmente vítima da ditadura por parte do Goberno
central dentro da Lei de Memoria Histórica.
O tradicional acto comezará ás 19h na Praza de Armas de Ferrol, dende
onde a comitiva nacionalista irá ata a rúa da Terra, ao mesmo portal
onde Reboiras foi disparado ata a morte no medio dunha redada contra a
UPG, daquela clandestina. Alí realizarán unha ofrenda floral.
Posteriormente, intervirán o portavoz municipal do
BNG na cidade, Xoán Xosé Pita, e o secretario xeral da UPG e membro da Executiva do Bloque
Francisco Rodríguez.
amén realizarán o seu tributo á figura de Reboiras os
independentistas de Nós-UP. A pasada fin de semana, tivo lugar unha
homenaxe plural ao falecido na súa vila natal de Dodro, na que
participaron diversas forzas políticas, e do eido cultural e familiares.
Un dos que participou nese acto foi o presidente da RAG e membro da UPG
nos anos sesenta, Xosé Luis Méndez Ferrín.
© 2010 UPG
