Doce pedras de 500 quilos de peso cada unha delas servirán para tomar
conciencia da importancia de Cedeira como un dos territorios
metamórficos máis importantes de Europa.
Este conxunto de rocas, extraídas entre o faro Candieira e a zona de
Candales, constitúe o que os responsables municipais xa coñecen como
museo xeolóxico ao aire libre do Concello cedeirense e cuxo emprazamento
non será outro que os espazos que xurdiron por mor da construción do
paseo fluvial do río Condomiñas.
O traslado das pedras non se executará ata días logo de finalizadas as festas patronais, que comezan esta mesma semana.
Á espera de coñecer o contido real do proxecto, desde o Concello de
Cedeira adiántase que se exhibirán catro diferentes tipos de rocas,
algunhas delas con máis de 1.600 millóns de anos de antigüidade, como
pode ser o caso das anfibolitas, e outras máis recentes, como as
serpentinitas, con ?só? 300. Ademais, haberá exemplares de granulitas e
eclogitas.
O alcalde de Cedeira, José Luís Vergara, acompañado de membros do Club
Montaña Ferrol e do geólogo ferrolán, Fran Canosa, seleccionou esta
mesma semana as pedras que forman parte dunha iniciativa longo tempo
ambicionada polo equipo de goberno cedeirense.
© 2010 - Diario de Ferrol
O alcalde de Cedeira, José Luís Vergara, recordou que a idade da terra
está ao redor dos 4.500 millóns de anos e subliñou a importancia
metamórfica do municipio cedeirense, por canto no mesmo existen pedras
con máis de mil seiscentos millóns de anos de antigüidade. Por este
motivo, o alcalde sinalou que "a metade da idade da terra está en
Cedeira" na súa intención de sintetizar o valor xeolóxico dun territorio
con lugares tal significativos como poden ser a serra da Capelada ou a
zona dos cantiis de Herbeira.
Unhas pequenas anotacións localizadas nas inmediacións de cada unha das
doce rocas seleccionadas servirán de referencia a aquelas persoas
interesadas polo mundo da xeoloxía ou que simplemente teñan curiosidade
por exploralo no seu concepto máis básico, como pode ser visitando unha
exposición ao aire libre.
Link: DFONLine