Concello de Cedeira - Pleno
Fecha Martes, 10 agosto a las 12:00:44 Tema PHP-Nuke
O equipo de José Luís Vergara, alcalde de Cedeira, convocou para a unha
da tarde de hoxe unha sesión plenaria de carácter extraordinario.
Só
catro cuestións figuran na orde do día da mesma. Así, o pleno da
corporación municipal terá que pronunciarse con respecto a unha
modificación, por valor de 200.000 euros no orzamento anual. Este
cambio obedece á necesidade de deixar constancia da achega do Plan
Ferrol á creación do viveiro de empresas que o Concello cedeirense sitúa
no parque industrial da Trabe.
A seguinte cuestión tamén garda relación
co documento contable. Neste caso, trátase de reflectir o segundo
desembolso ao que debe facer fronte o consistorio para así cumprir cunha
sentenza do Tribunal Supremo. Trátase do fallo relacionado coa obra do
pavillón municipal, unha construción executada no ano 1987 e que, á
marxe do custo inicial, derivou nun carga extra de 240.000 euros para as
arcas municipais. A metade de devandita cantidade corresponden ao
diñeiro reclamado pola construtora, mentres que a outra se paga en
concepto dos intereses de demora.
A última cuestión que se abordará na
sesión prevista para a tarde de hoxe martes ten como protagonista á
Asociación Sobrerodas, unha entidade de recente creación no municipio
pero con máis de 200 persoas afiliadas. O Concello, de pronunciarse a
favor o pleno, subvencionará con 2.000 euros a instalación dunha rampla
no vehículo propiedade da entidade para facilitar o acceso aos
discapacitados.
Link: DFONLine
|
|