Concello de Cedeira - Grupo Socialista
Fecha Jueves, 29 julio a las 11:21:41 Tema PHP-Nuke
MOCIÓN PRESENTADA POLO GRUPO SOCIALISTA AO PLENO ORDINARIO DO CONCELLO DO 27
Con efectos de 15 de abril de 2010 fírmase o CONVENIO DE COOPERACIÓN
entre a Conselleriía de Medio Rural e o Concello de Cedeira para a
realización de obras de infraestructura rural coa finalidade de resolver
algunhas das deficiencias dotacionais no seo do PROGRAMA ESTRATÉXICO DE
INFRAESTRUCTURAS NO MEDIO RURAL (PEIM Rural) correspondente ao ano 2009. As obras conveniadas son: 1. Camiño Fernando Lago. 2. Camiño en Cordobelas a Campo da Cruz. 3. Camiños en Santallamar. 4. Camiño en Vilela. 5. Camiño en Figueiras a Montoxo. Constátase a tardanza na firma do Convenio toda vez que debera executarse no ano 2009. De
palabra o Conselleiro de Medio Rural da Xunta de Galicia, Samuel Jesús
Juárez Casado, en Betanzos, lugar elixido polo susodito Conselleiro para
a firma diante dos medios de comunicación, responde, a preguntas dos
alcaldes alí prersentes, que as datas de execución situaríanse na
primavera ou verán do 2010. O martes, 27 de xullo de 2010, en
conversa mantida coa Consellería de Medio Rural, infórmaselle ao Alcalde
de que están a xurdir problemas no proceso de contratación con motivo
de deficiencias na documentación aportada polas empresas licitantes. Elo
conduciría a un novo retraso que pode levarnos ata o outono, a cal
suporía un ano de retraso a respecto dos períodos normais de execución
do PEIM Rural. Non existe absolutamente ningunha información
referente ao Programa correspondente ao ano 2010, nin aos tempos nin ás
cantidades que lle correpondem a Cedeira. Se comparamos os
comportamentos dunhas e outras administracións autonómicas recordamos
que no ano 2007 e 2008, os convenios firmáronse e executáronse na
anualidade correspondente. Insistimos que no presente convenio firmado
entre Cedeira e a administración da Xunta do Partido Popular levamos
máis dun ano de retraso. Igualmente, se comparamos as cantidades duns e outros a situación amosa un pésimo comportamento do poder do PP con Cedeira: Ano 2007 153.999,99 euros Ano 2008 198.929,52 euros Ano 2009 89.764,36 euros Sendo
normal en todo cambio de administración un certo período de axuste,
cuestión que non aconteceu en Cedeira no cambio administrativo do
goberno local do 2007, a actual Xunta de Galicia, e concretamente a
Consellería de Medio Rural, non pode escudarse nesta circunstancia, toda
vez que levan esgotado xa máis do 25% do seu mandato. Por todo isto o
Grupo Socialista solicita da Corporación o apoio de todos os
Concelleiros e Concelleiras para demandarlle á Consellería de Medio
Rural dilixencia na contratación das obras correspondentes a Cedeira
inscritas no PEIM Rural do 2009 así como a convocatoria correspondente
ao ano 2010 respectándose os finanzamentos que a anterior administración
viña outorgando a Cedeira. En Cedeira, a 27 de xullo do 2010 FDO: MANUEL PÉREZ RIOLA PORTAVOZ DO GRUPO SOCIALISTA
A moción foi aprobada cos votos dos grupos que apian ao Goberno e con dous votos do Partido Popular.
Link: G.S. de Cedeira
|
|