Concello de Cedeira - ARI no casco antigo
Fecha Miércoles, 30 junio a las 09:53:01 Tema PHP-Nuke
A rehabilitación das vivendas do casco antigo da vila de Cedeira centrou
onte o tema da reunión mantida no consistorio entre o alcalde, José
Luis Vergara, e persoal da delegación ferrolana do Colexio de
Arquitectos, presidida por María Fernández. Ambas partes abordaron no
transcurso do encontro a posibilidade de asinar un convenio que permita
que o casco antigo de Cedeira se constitúa nun Área de Rehabilitación
Integral (ARI), unha medida que permitiría aos propietarios das vivendas
incluídas na zona a obter importantes axudas para proceder á
rehabilitación das mesmas.
Vergara indicou que na actualidade hai 110 vivendas baleiras no
casco vello da vila cedeiresa, moitas delas, asegurou, nun estado de
deterioro “preocupante”.
Tanto o Concello como o Colexio de Arquitectos coincidiron en recoñecer
que a financiación dese convenio é un dos principais inconvintes para a
súa materialización. O alcalde apuntou que o acordo podería supoñer ás
arcas locais un desembolso duns 40.000 euros. “Por parte del Concello,
ahora mismo, es complicado poder realizar este gasto, pero quizás sí se
podría reservar una partida en el presupuesto del próximo año”, indicou
Vergara. A sinatura do convenio entre ambas partes posibilitaría
realizar un catálogo coa localización dos edificios que se poderían
beneficiar dese ARI. No documento tamén se contemplaría unha previsión
das dotacións necesarias, como pode ser o caso, tal e como explicou o
alcalde de Cedeira, dun parque infantil no casco antigo –do que carece
esa zona na actualidade– ou dunha área reservada para estacionamento,
entre outras intervencións. Así mesmo, instalaríase na vila unha
oficina de rehabilitación, co fin de que as persoas interesadas en
tramitar as axudas para a recuperación de vivendas incluídas no ARI
puidesen recibir información ao respecto e mesmo tramitalas, tal e como
explicou o rexedor de Cedeira. Varios municipios da comarca, como
Ferrol, Mugardos, Ares e Neda, entre outros, xa teñen declaradas este
tipo de Áreas de Rehabilitación Integral, ó que permitiu a reconstrución
de vivendas localizadas nos seus cascos vellos.
Link: DFONLine
|
|