No San Xoán, as bruxas fuxirán
Fecha Miércoles, 23 junio a las 16:58:47
Tema PHP-Nuke
As fogueiras e o arrecendo a sardiñas encherán as rúas e praias en todo o
país para celebrar unha das noites máis especiais.
Fogueiras, cacharelas, folións, cachelas, lumieiras... Galiza vivirá
unha das noites máis especiais e máxicas do ano con festa e paparotas
por todo o país. O arrecendo de sardiñas asadas, chourizos e fume será
común en barrios, aldeas, rúas e praias cun obxectivo común: pasalo ben
e, de paso, botar fora o meigallo. Xa o di o dito popular: 'No San Xoán,
as bruxas fuxirán'.
A noite
de San Xoán, que se celebra entre o mércores e o xoves, é unha das
celebracións máis ricas en lendas, supersticións e costumes que agocha a
nosa cultura. Dende tempos remotos celebramos o solsticio de verán co
lume, mais tamén coa auga, xa que nesta xornada reviven as propiedades
das fontes santas e milagreiras; coas ondas do mar, que purifican e
fecundan, e co mundo vexetal (non esquezamos preparar a auga de san
Xoán).
Link: VIONLine
|
|