«A parte vella é unha boa zona, parece un municipio distinto»
Fecha Miércoles, 23 junio a las 11:48:39
Tema PHP-Nuke
Dídac Boza é un xornalista residente en Barcelona que hai cinco anos
decidiu facerse cunha casa na zona vella de Cedeira, de onde é natural o
seu marido. Xuntos investiron nunha vivenda en busca da tranquilidade e
comodidade dun centro histórico no que refuxiarse no verán e durante
uns días no inverno. «Nos últimos anos vimos máis casas baleiras no
centro e varios carteis de rehabilitación que finalmente a crise levouse
por diante», explica Boza.
Aínda así, está seguro de que o futuro desta zona do municipio «pasa por
renovar a poboación, animar á xente nova a que se traslade á zona
vella». eles fixérono para gozar de cousas como, por exemplo, unha
cheminea. Tamén para gañar en calidade de vida e gozar das pequenas
distancias. Tampouco descarta este matrimonio pasar os seus últimos anos
de vida nesta vila mariñeira.
No seu caso adquiriron unha casa reformada polos anteriores propietarios
apenas seis anos antes de vendela. Aínda así, Dídac e o seu marido xa
están a pensar en facer algunha que outra casa. «é unha boa zona, parece
un municipio distinto ao que che atopas unha vez cruzas o río, na parte
nova».
Link: VONLine
|
|