Trámites para consolidar varios postos de traballo
Fecha Miércoles, 23 junio a las 11:25:11
Tema PHP-Nuke
O alcalde de Cedeira, José Luis Vergara, explicou onte que consistorio e
sindicatos deron xa os primeiros pasos no municipio de cara á
consolidación dunha serie de postos de traballo. O rexedor asegura que
na actualidade traballan para o Concello unhas corenta persoas que
carecen dun posto fixo. Aquelas nas que o seu contrato é anterior ao ano
2005 ríxense pola vía da consolidación, non sendo así para a totalidade
do colectivo, tal e como indicou o rexedor.
Vergara apuntou que se trata de dous procedementos moi regrados e
asegurou que se buscou a fórmula máis favorecedora para os traballadores
que xa teñen un posto de traballo no Concello, aínda que sempre
aténdose á normativa vixente ao respecto.
Na Xunta de Goberno Local do pasado 12 de maio presentouse a oferta de
emprego público correspondente ao presente exercizo no Concello. No que
respecta ao persoal funcionario, figuran seis prazas libres, unha de
auxiliar administrativo, tres de administrativo e unha de policía. Así
mesmo, contratarase a un administrativo polo procedemento de promoción
interna.
No caso do persoal laboral, as prazas libres son de limpador
–sete vacantes–; subalterno –unha–; asistente social –unha–; auxiliar
de axuda no fogar –nove– e auxiliar de axuda no fogar dependencia
–quince–. Como consolidación de emprego temporal convocáronse postos de
psicólogo, asistente social, peón –catro vacantes–, monitor de natación,
auxiliar de mantemento polideportivo, educador familiar, auxiliar
administrativo para servizos sociais e auxiliar encargado de
polideportivo.
O rexedor local incidiu en que “nos gustaría que a
consolidación de postos de traballo fose a consolidación de persoas,
pero sempre hai que aterse ao que obriga a lei, ser puntilloso coa
legalidade”. Así mesmo, Vergara incidiu na importancia que esta
actuación terá no que respecta á modernización do consistorio.
Link: DFONLine
|
|