Relación entre os centros de FP e as empresas
Fecha Miércoles, 23 junio a las 11:23:04
Tema PHP-Nuke
O IES Punta Candieira de Cedeira acollerá este venres unha nova edición
da xornada na que, baixo o título “Educación-Empresa”, pretende analizar
o que deu de si a formación práctica dos alumnos nas empresas no que se
denomina FCT (Formación en Centros de Traballo), así como as
beneficiosas relacións que se establecen entre as dúas partes, centros
de ensino e entidades, de cara á mellor cualificación dos propios
alumnos.
A sesión, que se desenvolverá ao longo de toda a mañá, contará coa
presenza do subdirector xeral de FP e Orientación Profesional da
Consellería de Educación, Manuel Corredoia, que falará ante un auditorio
do que formarán parte, ademais de alumnos, directores, orientadores e
profesores de institutos da comarca de Ferrolterra
Mesa
redonda
Esta charla terá lugar ás 12.00 horas, e dará
paso, ás 12.45 horas, a unha mesa redonda sobre “O empresario fronte á
crise, novos tempos e novas solucións empresariais cara á mellora da
formación dos traballadores”. Nela intervirán, xunto ao presidente da
AEF José Ramón Franco, varios empresarios da comarca.
Porén, a
xornada comezará antes, en concreto ás 10.15 horas, cunha sesión
dirixida ao intercambio de información sobre as experiencias da FCT no
presente curso.
A continuación, ás once de mañá, haberá unha
recepción aos alcaldes e empresarios da comarca, ós que se lles ofrecerá
unha visita polas instalacións do instituto cedeirés. A entrega aos
alumnos das axudas do curso de Prevención de Riscos Laborais e a
presentación da oferta educativa do centro completarán a sesión.
Link: DFONLine
|
|