Éxito da festa do percebe
Fecha Lunes, 21 junio a las 13:36:49
Tema PHP-Nuke
A festa do percebe de Cedeira do fin de semana foi un éxito, a pesar de
que os cambios de datas e organización fixeron albergar algúns temores.
Onte á noite, Che Fernández Pazos, presidente de Iniciativa para a
Promoción Turística de Cedeira, sinalou que se superaron os quilos de
marisco doutros anos. Nesta ocasión distribuíuse máis dunha tonelada.
Outros anos era en xullo e nunhas carpas, e este ano, nos mesóns e bares
e tamén nunha carpa, pero só de apoio, todo ao mesmo prezo. Dous terzos
do percebe distribuíuse nos mesóns e o terzo restante na carta. Germán
Tobío, o concelleiro que participou na organización en nome do concello,
sinalou que o seu balance era «de rotundo éxito» e remitiuse aos
hostaleiros para que o avalasen. Adiantou que o concello e a hostalería
local están a pensar xa en novas iniciativas gastronómicas e festivas
como cogomelos da Capelada, pescada -«porque o noso porto é o primeiro
nesta especie»- e coquina. Distribuídas ao longo do ano para evitar que
todo se concentre en xullo e agosto, como ata agora, cando non é
necesaria a promoción.
Link: VONLine
|
|